Höt Morge semer vo schöner (ironie) Techno Musig gweckt worde. Am halbi Nüni händ die stränge gsammt Probe mit em Urs agfange. Am halbi Elfi semer dene äntli entlo worde und sind vomene hervorragende Brunch überrascht worde, wo keine hät chöne besser mache. Wo mer eus alli satt gässe händ, het eus de Urs mol ändlich en lengeri Pause gönnt. I dere Zit hämmer eusi Snacks för de Film höt obe bsorgt.
Wel am Morge doch nonig alles fehlerfrei gsi esch, hämer am Nomittag en individueli Üebigszit zor verfüegig öbercho. Veli send dosse i de Natur a di schön Sonne ghocket. Es hät kei bessere Probeplatz chöne geh, es isch eifach fabelhaft gsi. Am spötere Nomittag het eus de Urs den doch no för en zwoi stöndigi Prob im Chäler verdonneret. Am zäh ab Föifi het de Urs den doch no wele Stahl Himmel spele. Grossi Freud isch usbroche (ironie). Am halbi Sächsi hets weder es feins Znacht vo de Chöch geh (danke a euch).
Und anstatt en witeri Prob hets den en tolle Filmobe geh. Wer’s hätts dänkt, im Film isch es natürlich um Musig gange. Mer händ de Film „Die Kinder des Monsieur Mathieu“ gluegt. Allne het de Film sehr guet gfalle und eus Motivation geh, eus Müeh z’geh zom vel chöne erreiche. Nachher hets no es feins Dessert geh und denn isch natürli Bettrueh gsi.
Mia, Levin, Chiara, Anouk und Thiemo
Kommentarspalte geschlossen