Weckdienst het s’Zimmer vom Tobias, Ilja, Valentin und Johannes,
mit de grosse Teufel-Box schallert das ganz anders.
Nachem Zmorge gahts direkt mitem Probe los,
leider tönts nid immer nur famos.
Am Üebe sind mer flissig,
susch wird de Urs no bissig.
Bim Zmittag wird d Tischordnig zwar kritisiert,
aber wie immer s’guete Ässe schnabuliert.
Nachem Zmittag gits en Postelauf,
dadefür nehmemer sogar s Tanze bim Urs in Chauf.
D Doris schickt eus uf de falschi Wäg,
darum simmer bim Tanze nümm ganz so zwäg.
En Gschicht hemmer au müsse schriibe,
was mer aber bi Valentins Schrift lieber hät la bliibe.
Trotzdem macht das ganze Spass,
dank em guete Wetter werdemer au ned nass.
Nachem Lauf übet jede für sich,
es tönt halt nid alles gliich.
Aber mir möcheds alli vo Herze,
so hend jetzt es paar vo eus Ohreschmerze.
Gsamtprob am Obig isch besser als am Vortag,
nach de Prob ghöremer di gschribene Gschichte no als Vortrag.
Am Obig duet de Rest mit Spili d Ziit vertriibe,
und mir sind das Gedicht am schriibe.
Valentin, Moritz R., Jeremias, Rahel, Mael
Kommentarspalte geschlossen