Nach enere meh oder weniger ruhige Nacht sind mer vo de Oldies usem diesjährige Lager geweckt wurde. Während die einte chum d Auge uf becho hend, sind die andere scho gmüetlich bim Kafi gsesse. Nach emene usgibige Zmorge und enere gmeinsame Ufwärmrundi händ mer eus aschlüssend zu de Registerprobe versammlet. Mer hend eus a die zwoi längste und definitiv au aspruchsvollste Stück gewagt. Nach unzählige Läuf und rhythmisierte Üebige sind mer definitiv a eusi Grenze gstosse. Zum guete Glück het euses super Chuchi-Team scho es Füürli bi de Brötlistell unterhalb vo eusem Lagerhuus vorbereitet. Au de Salat und d Grillade sind bereits parat gsi. Nach emene super feine Zmittag esches nomol id Registerprobe gange. Nach em eint oder andere Närvezämebruch vo de Jugendspieler/inne, wie au vo de Leiter, esch s’Znacht scho nöch in Sicht gsi. Mer send mit ere 10/10 Spaghetti Bolognese verwöhnt worde. Es grosses Dankeschön a dere Stell a euses super Chuchi-Team. Nachdem mer eusi Freizit met Mandala mole und Ping Pong spiele verbrocht händ, händ mer eus aschlüssend no einisch zunere Gsamtprob versammlet. Nach dem mer meh oder weniger pünktlich weder fertig gsi send, händ mir wie am Obe vorher no es paar Rundene Werwölfle gspellt und de Tag langsam loh usklinge loh.
Jenny, Ilja, Zoe, Janis, Celina
Kommentarspalte geschlossen