Am Morge simmer vom Thiemo, em Elia und em Samuel gweckt worde. No chli verschlofe simmer denn go Zmorge ässe.
Am Vormittag hämmer Prob gha bim Fabian, will de Urs weg gsi isch. Mir hend no einisch Vollgas geh und hend einigi schwierigi Stelle agluegt.
Nach de Prob hets denn feins Zmittag geh. Alli hend Hunger gha und sich richtig chönne stärche.
Am Nomitag hämmer alli Stück einisch dure gspielt als vorbereitig ufs Konzert. Wo mer mit allem dure gsi sind, hämmer agfange de Proberuum z’putze. Mir hend d’Teppich ufgrollt und s’ganze Schlagzügmaterial abetrait.
Am Obig hets denn als Belohnig Pizza geh.
Am Obig hemmer eusi Erfinde chönne vorfüehre und bimne Musig-Quiz chönne Smarties günne. Denn hemmer sogar alli glichziitig Nachtrueh gha.
So hämmer de Tag gmüetlich und zfriede chönne abschliesse.
Oskar, Laurin
Kommentarspalte geschlossen