Die wundervolle Posunekläng am Morge sind so schön gsi, dass d’hälfti grad wieder igschlofe isch. Das wär gester mit de Klarinette ganz sicher ned passiert. Wo denn endlich alli am Tisch presänt gsi sind, hemmer no am Tobi (Müller) zum Geburtstag gsunge. Obwol er 19ni gworde isch, het er numme 1 Cherze becho. Mer spekuliert, dass es für 20 – 1 = 19 stoht. Die Geburtstagsstimmig het aber ned lang chönde verhebe, will die nöchste Probe scho im Amarsch gsi sind.
Nacheme asträngede Gsamtprobe-Morge hemmer e richtig feini Spaghetti Bolognese chöne gnüsse. De Andi und de Peter hend wie immer en super Job gmacht. Aschlüssend a ne churzi Registerprob, het jede individuell sini Pause chöne versüesse mit Billard, Töggele oder Chartespiel. Au d’Elena het sich endlich blicke loh, aber leider hemmer dafür de Giovanni und de Loris verlore (kei Angst, isch alles so plant gsi).
Zum Znacht hets e gmüesigi Bouillonsuppe und aschlüssend Tomaterisotto geh. Villicht isch es vom vile Naseblüete vom Paul so rot gworde. Nach de letzte astrengede Prob het eus es feins Dessert wider ufgstellt. Wie jede obe hett s Ganze Jugendspiel denn no i de Stube Werwölfle gspielt – hütt gleitet vo de Jeannine.
Samuel, Martin, Elia, Nicola, Ilja
Kommentarspalte geschlossen