Die Klarinetten / Oboe
Endlich esch es sowit und mer chöned weder ganz ohni Zertifikatspflicht probe. s’Orchester esch au dementsprechend grad weder e chli voller. Dass esch aber ned de einzig Vorteil. Mer send zueversichtlich was euses Konzert, zäme met de Musiggsellschaft Othmarsinge abelangt. Dorom händ sech s’Jugendspiel und d’MGO de Sunntig zumene gmeinsame Probetag troffe.
Am Morge semer in Register ufteilt worde und händ eusi Problemstellene chönne üebe. Zwüschedure het’s denn au mol en chlini uflockerig geh. För’s Zmorge händ eusi fliisige Hälfer gsorget. Nach de Pause hämer nomol i de Register Probet bes es denn z’Mittag geh het. Während die einte in vollem Gnuss ehres metbrochte z’Mittag gesse händ, wartete die andere sehnsüchtig uf ehri bstellti Pizza.
Nachdem sech alli meh oder weniger verpflegt händ esches denn met de Gsamtprob wiitergange. Die einte Stelle klappet scho guet, die andere müemer definitiv no üebe. Alles in allem esch es aber en mega coole Sunntig gsi und mer freued eus jetz scho riesig uf euses gmeinsame Konzert im April.
s’Klarinette- und Oboeregister
Kommentarspalte geschlossen